Еуразия ғылыми-зерттеу институты әл-Фараби атындағы Қазақ ұлттық университетінің Халықаралық қатынастар факультетімен бірге әл-Фараби атындағы Қазақ ұлттық университетінің Халықаралық қатынастар факультетінде өткізген семинарда Бруней технологиялық университетінің докторы Шахид Анджум «Қаржы дағдарысы, инвестиция және ел тәуекелін есептеу» атты семинар өткізді. Доктор Шахид Анджум семинар барысында жалпы тәуекел факторларының сипаттамасы, жаһандық дағдарыстан кейін бір-біріне қайшы деректерді әдістемелік тәсілдермен есептеген кезде пайда болған қиындықтар туралы баяндады. Бұл пайда болған мәселелер ел тәуекелдерінің асырыла есептелуіне әкеліп соққаны үшін елдердің тікелей инвестиция тарту әлеуетіне теріс әсер еткенін мәлімдеді. Бұл мәселені түрлі ғылыми еңбектердегі бірқатар регрессия есептеулері арқылы шешуге болатыны туралы айтты. Семинар жалғасында елдердің тікелей инвестицияларды көбірек тартуына қатысты өз пікірлерін білдірді. Сонымен қатар, тікелей инвестиция тартуда инвесторлардың бизнес жүргізу рейтингтерін ескергенін айта отырып, кейбір елдердің жоғары орындарға ие болу үшін тікелей инвестиция тарту саясаттарын осы индекстер бағытында дамытқаны туралы айтты.
Инвесторлардың елдерге инвестиция жасағанда ескеретін факторлары арасында сол елдегі саяси тұрақтылықты атап өтті және оның инвестордың шешім қабылдауына анағұрлым әсер ететін факторлардың бірі екенін мәлімдеді. Тәуекел есептеулерінде жасалатын бірқатар өзгерістердің ел экономикасына одан да көп инвестиция тартуға септігін тигізе алатынына назар аударды және бұл өзгерістердің елдердің экономикалық даму үдерісіне де оң үлес қосатыны жөнінде айтты.
Семинар соңында қатысушылар қаржы дағдарысы және саяси тұрақтылық мәселелері бойынша пікір алмасты.