2015 жылдың 24-қарашасында Еуразия ғылыми-зерттеу институтының директоры доцент, доктор Невзат Шимшек «Қазақ» радиосы Алматы филиалының Бас редакторы Мұрат Мұқашевпен кездесті.

2015 жылдың 24-қарашасында Еуразия ғылыми-зерттеу институтының директоры доцент, доктор Невзат Шимшек «Қазақ» радиосы Алматы филиалының Бас редакторы Мұрат Мұқашевпен кездесті. Кездесу барысында доцент, доктор Невзат Шимшек, өзі басқарып отырған институтттың Ахмет Ясауи университетінің миссиясы мен міндетіне сай қызмет ететінін, осы мақсатта Түркия мен Қазақстан арасындағы қарым-қатынастың дамуына өзіндік үлес қосып және түркітілдес мемлекеттер мен қауымдастықтарға қатысты ғылыми зерттеу жұмыстарын жүргізетінін және осы саладағы түрлі жобаларға қолдау көрсетіп келе жатқанын тілге тиек етті.

Сонымен қатар, доцент, доктор Невзат Шимшек, институтта қызмет ететін ғылыми қызметкерлердің түрлі салалар бойынша талдау жасайтынын және оның халыққа таратылуы үшін «Қазақ радиосы» Алматы филиалымен бірлесе жұмыс атқаруға дайын екендігін атап өтті. Мұрат Мұқашев өз кезегінде, «Қазақ радиосы» Алматы филиалының жұмыс барысы жайлы қысқаша мәлімет берді және Елбасы Нұрсұлтан Назарбаевтың «Ұлт жоспары – 100 қадам» атты жобасы турасында және жалпы экономика, энергетика мен аймақтық мәселелерді қамтитын өзекті тақырыптарда институт мамандарының пікірлерін алуға дайын екендігін атап өтті.