Түркия мен Қазақстан арасында тарих, мәдениет, білім салаларында қарым-қатынастарды дамыту және байытуға үлес қосу үшін «Көңіл керуені» делегациясы 2016 жылдың 4 маусымында «Қазақстан» телеарнасы мен Түркия Республикасының Алматы қаласындағы Бас консулдығына барды.
«Көңіл керуені» делегациясына Экрем Кафтан, Лейля Ипекчи және Фадиме Өзкан сияқты журналистер, сондай-ақ профессор, доктор Ахмет Гүнер Саяр, профессор, доктор Мехмет Аккуш, доцент, доктор Хашим Шахин, доцент міндетін атқарушы, доктор Мұстафа Татчы, Өндер Өзсой сияқты ғалымдар қатысты. Жазушылардан Өмер Тугрул Инанчер, Садык Йылмаз, суретшілер мен кинематографистерден доцент міндетін атқарушы, доктор Тимучин Чевикоглу, Ахмет Тургут, Ташкын Саваш, Түлай Гүрсес; актер Гөкхан Аталай; ТИКА департаментінің төрағасы Зүлкүф Оруч, Өзге Гүрсес, Незахат Татчы және Садык Ялсызучанлар болды.
Жоғарыда аттары аталған адамдардан құралған «Көңіл керуені» тобы «Қазақстан» мемлекеттік телеарнасына сапары аясында «Қазақстан» телеарнасы Басқарма төрағасының кеңесшісі Нұртілеу Иманғалиұлы Иманғалиев, «Қазақстан» телеарнасы Төрағасының орынбасары Сәуле Жәнібекқызы Жиреншина, «Мәдениет» телеарнасының бұрынғы директоры Сағатбек Қалиев және «Қазақстан» мемлекеттік телеарнасының басқа да өкілдерімен кездесті. Жүздесу барысында тараптар Қазақстан мен Түркия арасында БАҚ саласындағы ынтымақтастықты талқылап, Қожа Ахмет Ясауидің қайтыс болуының 850 жылдығына орай атқарған қызметтері туралы ақпаратпен бөлісті.
Сонымен қатар, «Көңіл керуені» делегациясы Түркия Республикасының Алматы қаласындағы Бас консулдығына барды. Кездесуден кейін Бас консулдық ұйымдастырған кешкі асқа қатысты.
2016 жылдың 5 маусымында бағдарлама аясында «Көңіл керуені» делегациясы Қожа Ахмет Ясауи атындағы Халықаралық қазақ-түрік университетінің Еуразия ғылыми-зерттеу институтына барып қайтты. Еуразия ғылыми-зерттеу институтының Директор орынбасары PhD Амирбек Айдарбек Ануарбекулы Еуразия ғылыми-зерттеу институты туралы презентация ұсынды. Институттың Қожа Ахмет Ясауи университетінің мақсаты мен міндеті аясында қызмет атқарып жатқандығын, осыған байланысты институт мақсатының негізінен Балқаннан Моңғолияға дейінгі ұлан-ғайыр алқапты алып жатқан Еуразия аймағына, әсіресе бұл аймақта өмір сүріп жатқан түркі тілдес мемлекеттер мен қауымдастықтарға қатысты пәнаралық соны ғылыми зерттеулер жасау, бұл саладағы жобаларды жоспарлау, қолдау, өңірдің тарихи және мәдени жәдігерлерін қорғау, аймақтық бейбітшілік пен ынтымақтастықты нығайту, стратегиялық ұсыныстар арқылы саяси және іскерлік ортаға үлес қосу екендігіне баса назар аударылды. Сонымен қатар институттың симпозиумдар, конгрестер және семинарлар ұйымдастырып, осы уақытқа дейін өткізген іс-шараларымен қатар, апта сайын Еуразия аймағындағы өзекті мәселелер туралы үш тілде жарық көретін электрондық ақпараттық бюллетень мен басқа да басылымдарды жариялайтындығын атап өтті. Презентациядан кейін Еуразия ғылыми-зерттеу институтының директоры доцент, доктор Невзат Шимшек Еуразия ғылыми-зерттеу институты мақсатының ғылыми зерттеулер жүргізу екендігін және осы орайда атқарған қызметтері арқылы Қазақстанға, Қазақстан мен Түркия арасындағы қарым-қатынастарға және Еуразия аймағындағы елдер арасындағы қарым-қатынастарға үлес қосуына назар аударатынын мәлімдеді. Түрік ынтымақтастық және үйлестіру агенттігі (ТИКА) Астана қаласының үйлестірушісі Мехмет Бодурдың сөз сөйлеуімен таныту бағдарламасы соңына ерді.
Кездесуден кейін «Көңіл керуені» делегациясы әлеуметтік тур аясында Алматының ең биік нүктесі – Көктөбеге және Іле Алатауының баурайында орналасқан Медеу мұз айдынына барып, киіз үйде дәстүрлі тағамдардан дәм татты және Алматыны көруге аса қуанышты екендерін айтып, алғыстарын білдірді.