Қожа Ахмет Ясауи атындағы Халықаралық Қазақ-Түрік Университетінің Гумманитарлық ғылымдар факультетінің Дінтану бөлімі мен Еуразия Ғылыми-Зерттеу Институтының ұйымдастырылуымен 2015 жылдың 4-6 мамыр аралығында Қазақстанның Түркістан қаласында Халықаралық Матуридилік Симпозиумы (Өткені, Бүгіні, және Болашағы) болып өтті. Симпозиум үш тілде: қазақша, түрікше және ағылшын тілдерінде өтті. Қазақстаннан профессор Әшірбек Мүминов, проф. Досай Кенжетай, проф. Шамседин Карим; Өзбекстаннан доцент Шевасыл Зиядов, доктор Саидмукхат Окилов; Түркиядан проф. Ханефи Озжан, проф. Хасан Онат, проф. Хулия Алпер, доцент Ахмет Ак, доцент Киасеттин Кочаоглы, доцент Мехмет Калайчи, Ихсан Тимур және басқалар; Австриядан доктор. Филипп Брюхкемаэр; Татарстаннан доктор. Рамиль Адыгамов секілді елімізден және шет елден қатысқандар (Германия, АҚШ, Австрия, Болгария, Әзірбайжан, Түркия, Татарстан, Түркменстан, Қырғызстан, Өзбекстан, т.б) болды.
Ашылу сөзін Симпозиум координаторы профессор Сөнмез Кұтлы бастады. Кұтлы мырза өз сөзінде Түріктердің дін түсінігінің өзіндік ерекшелігі бар екендігін және сырттан басқа әсерлердің болмауын айта келе, тарихи кезеңде Ислам географиясына таралғанын, бұл симпозиумда үштік бауыр болған Ханафилық, Матуридилік және Яссауишылықтың Түркістанда қайта қауышқанын баяндады, Татарстан және Башқұртстан мұфтият өкілдері, Матурудиліктің Евразияның бейбітшілігі және қауіпсіздігіне байланысты маңыздылығын атап өтті. Ректор көмекшісі профессор Талжан Райымбердиев қатысушыларға алғысын білдіріп симпозиумның белгіленген мақсатына жетуіне үміттенетінін айтты. Ректор көмекшісі доцент Мұстафа Нұрсой Қазақстанда бұл тақырыпта ең алғаш рет бұндай көлемде симпозиум өткізіліп жатқандығын айтып қатысушыларға сәттілік тіледі.
Симпозиум аясында Имам Матуридидің өмірі, пікірлері, еңбектері, матуридиліктің қалыптасуы, Ханафилік-Матуридилік және Яссауилік қатынас, Қарахандықтар, Селчуктылар, Османлылар және Қазіргі кездегі Түркі мемлекеттерінде Матуридилік жағдайы жан-жақты қарастырылып Матуридиліктің Түркі әлемінде болашақтағы орны мен маңызы зерделенген болатын. Сонымен қатар, симпозиумға баяндамасымен қатысқан ғалымдар тарапынан әсіресе Орта Азия халықтары арасындағы бейбітшілік пен ынтмақтастықты сақтауда, Матуридилікке деген қажеттілік талданып, Матуридиліктің және Ханафиліктің, жаңа бір Ислам мәдениетінің қалыптасуына қажетті барлық жағдайлар бар екендігі айтылды.
Симпозиум барысында, Имам Матуридидің пікірлерінің негізінде қалыптасқан Матуридилік мектебінің қазіргі таңдағы мәселелерді шешуде, ғылыми, логиқалық және ұтымды шешім жолдарын табуда; сондай-ақ бүгінгі Еуразиядағы діндер, мәзхабтар және ұлттар арасындағы бірлікті, ынтымақтастықты және тұрақтылықты нығайтуда атқарар рөліне айрықша мән берілді. Философиясының негізі – адамға деген құрмет көрсету мен парасаттылықты негіз еткен Матуриди философиясының өткені, қазіргі ахуалы мен болашақта Түркі халықтарының Ислам түсінігіне берер әсері мен ықпалы ғылыми тұрғыда зерленді.
Симпозиум кезінде Имам Матуридидің және Матуридилік тақырыбында 100 ге жуық кітаптың ұсынылған кітап көрмесі өтті. Көрмеде осы симпозиумда баяндама жасағандар тарапынан немесе аталған шараға қатыспаған де ғалымдардың сыйға тартқан кітаптары болды. Бұл кітаптар симпозиум біткеннен кейін түгелімен Ахмет Яссауи Университетінің кітапханасына тапсырылды. Осы коллекциясымен Ахмет Яссауи Университеті бұдан кейінгі уақыттарда аталған тақырыптағы ізденушілер үшін маңызды орталық болады.
Қорытынды бөлімінде Ахмет Яссауи Университетінің Өкілетті Кеңес Төрағасы профессор Осман Хоратай мырза және мен Еуразия Ғылыми-Зерттеу Институтының директоры доцент доктор Невзат Шимшек мырза баяндама жасады. Бұл баяндамаларда симпозиумның Университеттің және Институттың ғылыми қызметтері тұрғысынан маңыздылығына мән берілді. Профессор Осман Хоратай аймақ халықтарының өз мәдениетімен, Ханафилілік және Матуридилікке жаңадан қауышуын былайша баяндады: «Орта Азия мұсылмандары, сенімін жоғалтқан қиындықтармен қатар, белгілі бір деңгейде тарихтарынан, мәдениеттерінен, сенімдерінен ажыратылған халде еді. Тура бір қоғамдық инженерлік зертхана халіне келтірілген Орта Азияда өмір сүріп жатқан Түрік халықтарына соңғы жарты ғасыр көлемінде діни және саяси мақсаттағы түрлі қастандықтар жасалынған еді. Осыған байланысты қазіргі уақытта Орта Азиядағы мұсылмандарының Ислам әлемінің көпшілігінің амалдары және сенімдері әлемін жандандырған Әбу Ханифа және Матруди дәстүрінен осы тәжірбиені ескере отырып діни сабақтастықты қайта жандандыру қажет».
Еуразия Ғылыми-Зерттеу Институтының директоры доцент доктор Невзат Шимшек мырза өз баяндамасында, симпозиумға қатысушыларға алғысын айтып Еуразия Ғылыми-Зерттеу Институтының Университеттің құрылу мақсатына үйлесіп Түркі Әлемінің қазіргі уақыттардағы осы сияқты сыни мәселелерге жаһандық жағдайларды ескере отырып ғылыми шешім және одан шығу жолдарын іздеу мақсатында көпбағытты ғылыми жобаларды атқарып жатқандығын мәлімдеді.
Жиын соңында зиялы қауым өкілдері Ахмет Яссауи Университетіне қарасты Еуразия ғылымы-зерттеу институты тарапынан Матуридилік мәселесіне арналған орыс тілінде жинақ (кітап) жоспарлануда. Бұл еңбек тек қана Еуразиядағы Түркі Халықтарының қазіргі уақыттағы мәселелері емес, сонымен қатар күллі Ислам әлеміндегі діндер арасындағы көпполюстілік пен мәзхабаралық қақтығыстарды шешуде маңызды рөл атқаратын еңбек болатынына сенім білдірді.