2016 жылдың 5 сәуірінде Еуразия ғылыми-зерттеу институтының директоры э.ғ.д., доцент Невзат Шимшек Халықаралық «Қазақ тілі» қоғамының президенті Өмірзақ Айтбайұлының 80 жылдық мерейтойына арналған кездесуге қатысты. Кездесу барысында э.ғ.д., доцент Невзат Шимшек Өмірзақ Айтбайұлының 1997-1998 жылдары Қожа Ахмет Ясауи атындағы Халықаралық қазақ-түрік университетінде профессор ретінде сабақ беріп, ғылыми жұмыстар атқару арқылы жас ұрпақтың өсуіне мол үлесін қосқандығын атап өтті. Э.ғ.д., доцент Невзат Шимшек Өмірзақ Айтбайұлының өмір жолын ғылым және білім беруге арнап, жаңа буын үшін ғылымға зор еңбек сіңірудің жарқын үлгісі болып табылатындығын ерекше атап өтті.
Сондай-ақ, э.ғ.д., доцент Невзат Шимшек институттың Қожа Ахмет Ясауи университетінің мақсаты мен міндеті аясында қызмет атқаратындығын және Түркия-Қазақстан қарым-қатынасын дамытуға үлес қосып, түркі тілдес мемлекеттер мен қауымдастықтарға байланысты ғылыми зерттеулер жасайтындығымен қатар, осы саладағы түрлі жобаларға қолдау көрсетіп келе жатқандығын айтты. Э.ғ.д., доцент Невзат Шимшек сөзінің соңында Өмірзақ Айтбайұлын 80 жылдық мерейтойымен құттықтап, ізгі тілектерін білдірді және Қожа Ахмет Ясауи университетінің Өкілетті кеңес басқармасы тарапынан басып шығарылған «Ахмет Ясауи» атты кітапты ұсынды.