Бүгін Еуразия ғылыми зерттеу институты мен Юнус Емре институтының бірлесе ұйымдастырған «Түрік тілін оқыту» тақырыбындағы үш күндік семинары басталды. Шараның ашылу салтанатына Қазақстандағы Түркия елінің бас консулы Супхи Атан, университетіміздің проректоры Меһмет Құталмыш, Юнус Емре институтының директоры Ибрахим Гүлтен және Еуразия ғылыми зерттеу институтының директоры Невзат Шимшек қатысып сөз сөйледі.
Қазақстандағы Түркия елінің бас консулы Супхи Атан өз сөзін бір елдің мәдениетін сіңірудің ең басты жолы сол елдің тілін үйренудің маңыздылығымен бастады. Қандай да бір елдің азаматымен жақын аралысқысы келетін тұлға сол елдің тілін үйренбесе жақын қарым қатынастың болуы мүмкін еместігін аша айтты. Сонымен қатар, бас консул Супхи Атан өзге елде қызмет барысында ең алдымен үш маңызды мақсатты; елдің тілін үйрену, түп тамыры мен негізгі құндылықтарын тіл арқылы жете түсіну және басқаларға шынайы түрде баяндап жеткізе білуді, көздегендігін айтты. Бірақ консул бұған қатысты Түркияның сыртқы істер министрлігі соңғы бес жылға дейін айтарлықтай кең ауқымды іс шаралар жүргізбегендігін де ескерді. Әсіресе өзге елдердің әлеуметтік жағдайын, тілін және мәдениетін жете түсінуге бағытталған арнайы шаралар мен оқытулар Америкада, Англия, Франция, Қытай және Ресейде ерекше орын алады, демек, бұл елдер өзге елдермен қарым қатынас орнатпас бұрын кәсіби мамандар дайындауға көп көңіл бөледі. Өкінішке орай, мұндай мамандардың Түркияда кем болғанындығын да сөз етті. Алайда, бас ғимараты Астанада орналасқан Юнус Емре институтының мұндай іс-шаралардағы орны ерекше екендігін және одан әрі Қазақстанның басты қалаларының бірі Алматыда да іс-шаралардың жүргізілуінің маңыздылығын қазіргі таңда түрік тілінің Қазақстандағы басқа шет ел тілдерімен жоғары бәсекелестіктігімен байланыстыра атап өтті.
Университетіміздің атынан проректор Меһмет Құталмыш семинардың ашылуында тілдердің дамуы мен қолданысына қысқаша тарихи тұрғыдан қарап сөз сөйледі. Әсіресе ежелгі грек және латын тілдерінің кең қолданысы себептерін, уақыт өте келе ағылшын тілінің ең көп қолданысқа кіргендігін айтты. Қазіргі таңда түрік тілі де кей аймақтарда жиі сөйленіп үйретіліп жатқандығын айта келіп бұған Түркияның экономикасының әсерін айрықша айтты. Сонымен қатар, Қазақстанның көп тілді және ұлтты мемлекет ретінде дамып келе жатқандығына мән бере отырып, аймақта орыс тілі мен өзге тілдердің қолданысын ескерді. Түрік тілінің де бұл тілдер қатарына қосылу мүмкіндігін айтты.
Юнус Емре институтының директоры Ибрахим Гүлтен институттың жалпы іс шаралырмен таныстырып, түрік тілін үйретудегі мұндай семинарлардың маңыздылығын айтты. Қазіргі кезде 31 елде 38 институт бөлімшелері жұмыс істеуде, және келешекте жұмыстардың жалғасатындығын айтты.
Семинардың ашылу салтанаты соңында Еуразия ғылыми зерттеу институтының директоры Невзат Шимшек сөз сөйледі. Невзат Шимшек институттың қызметімен таныстырып зерттеу бағыттарын атап өтті және мұндай семинарлар институттың негізгі іс шараларының бірі ретінде маңыздылығына мән берді.
Семинардың алғашқы күнінде, шара одан әрі түрік тілін оқытудың қағидалары туралы арнайы сабақтар мен таныту көрмелерімен жалғасын тапты.