05.05.2016 жылдың әл-Фараби атындағы Қазақ ұлттық университеті Еуразия ғылыми-зерттеу орталығының төрағасы т.ғ.д., профессор Ғалия Мовкебаева «Әлеуметтік-мәдени ынтымақтастық және Еуразиялық экономикалық одақта еуразиялық бірегейліктің қалыптасуы»
Т.ғ.д., профессор Ғалия Мовкебаева «Әлеуметтік-мәдени ынтымақтастық және Еуразиялық экономикалық одақта еуразиялық бірегейліктің қалыптасуы» атты семинарда жалпы еуразиялық бірегейлік ұғымы, бұл бірегейліктің қалыптасуы барысында кездесетін кедергілер және болашақта жасалатын қадамдар туралы сөз қозғады.
Т.ғ.д., профессор Ғалия Мовкебаева «Әлеуметтік-мәдени ынтымақтастық және Еуразиялық экономикалық одақта еуразиялық бірегейліктің қалыптасуы» атты семинарда жалпы еуразиялық бірегейлік ұғымы, бұл бірегейліктің қалыптасуы барысында кездесетін кедергілер және болашақта жасалатын қадамдар туралы сөз қозғады. Елдер арасындағы интеграциялық үдерістер туралы айта келе, елдердің күшті интеграциясы үшін аймақтық бірегейліктің қажеттілігі жөнінде айтты. Бұл салада елдер арасындағы интеграция нығайған сайын бірегейлікке қатысты еңбектердің де артатындығын айтты. Сонымен қатар, бүгінгі еуразиялық бірегейлік ұғымы мен оның қалыптасуында кездесетін мәселелер бойынша теориялық және практикалық жұмыстардың басталғандығы туралы мәлімдеді.
Еуразия аймағындағы халықтардың бірге өмір сүріп, басқа діндерді құрметтеуі мен мәдени интеграциясының ежелгі замандардан бастау алатындығы туралы баяндады. Сонымен қатар, халықтардың бір-біріне сабыр етіп, түсіністікпен қарау тәжірибесінің ғасырлар бойы жинақталғаны туралы айтты. Бұл жинақталған тәжірибе өркениеттер арасында және мәдениеттер арасында байланыс орнатумен қатар, халықтар арасында бірлікті қалыптастырды және еуразиялық бірегейлік осы тәжірибе бойынша қалыптаса алады деді.
Еуропа Одағын мысал ретінде келтіре отырып, Еуроодақ елдерінің ортақ құндылықтары мен тарихының болғандығы және уақыт өте келе ортақтасу түсінігінің пайда болғандығы туралы мәлімдеді. Мұндай ортақ құндылықтардың Еуразиялық экономикалық одақта әлі қалыптаспағанын айта келе, еуразиялық бірегейлікті неліктен қалыптастыру қажет деген сұрақтың пайда болғандығы туралы айтты. Бұл мәселе жөнінде т.ғ.д., профессор Ғалия Мовкебаева ұжымдық бірегейліктің қалыптасуы аймақтағы тұрақтылыққа ықпал етеді және жаһандық әлемде аймақтың өзіне тән бірегейлігі болу керек деп айтты.
Семинар барысында бірегейлікті белгілі бір топқа қатысты болу деп анықтап, еуразиялық бірегейліктің қалыптасуында әр елдің өз бірегейлігі алдыңғы қатарға шығып, «біз және олар» мәселесі туындау мүмкін деген пікір білдірді. Еуразиялық бірегейліктің тіл, дін және мәдени тұрғыда бірігіп, үстем бірегейлікті қалыптастыру мақсатының болғандығы туралы айтты. Сонымен қатар, бұл бірегейліктің құндылықтарын жаңадан қалыптастыру қажет емес, аймақтағы халықтар арасындағы тәжірибе бойынша қалыптастыруға болады деп тұжырымдады. Бірақ еуразиялық бірегейлікті қалыптастырудың ұлттық құндылықтардан бас тартуды білдірмейтініне баса назар аударды. Бұл бірегейліктің халықтарды бір үстем бірегейлік бойынша біріктіретіні жөнінде айтты.
Т.ғ.д., профессор Ғалия Мовкебаева бірегейліктің қалыптасуын жылдамдататын қадамдар бойынша кейбір ұсыныстар жасады. Олардың арасында Еуропа Одағындағыдай Erasmus және DAAD сияқты студенттермен және ғалымдармен алмасу бағдарламалары арқылы түрлі елдерге ақпарат және тәжірибе алмасу үшін жіберуге болатыны туралы және бұл мәселеде Ресейдің бастамашы бола алатыны туралы айтты. Одақ мүшелері арасында ЖОО аралық диплом баламалылығы, еуразиялық бірегейлікті зерттейтін түрлі орталықтар мен институттардың құрылуы, сондай-ақ ортақ медиа арналарының құрылуы бұл бірегейлікті қалыптастыруды жылдамдатуға зор үлес қосады деп атап өтті.
Семинар соңында қатысушылар еуразиялық бірегейлік пен ұлттық бірегейлік мәселелері бойынша пікір алмасты.