Еуразия ғылыми-зерттеу институтының директоры, доцент, доктор Вакур Сүмердің кіріспе сөзімен басталған семинарда SOCAR-дың бұрынғы президенті, доктор Сәбит Багиров Әзірбайжандағы жасыл энергияға көшудың негізгі жағдайын түсіндіре отырып, Энергияның ауысу индексі (2012-2021), жаңартылатын энергия көздері мен оларды пайдалану, мемлекеттік саясат пен құқықтық орта, институттар, тарифтер, инвестициялық жобалар мен донорлар сияқты негізгі мәселелер бойынша толық ақпарат берді.
Доктор Сәбит Багиров 1994 жылы бизнес өкілдер құрған нарықтық экономиканың дамуына көмектесетін үкіметтік емес ұйымның басшысы екенін айта келе, бұл үкіметтік емес ұйымның Әзірбайжандағы бизнес орталықтарын зерттеп, осы бизнес орталықтарын дамыту жөнінде жобалар дайындағанын және бұл жобаларды Әзірбайжан үкіметіне ұсынғанын тілге тиек етті.
Энергияға ауысу индексі (2012-2021) тақырыбымен Дүниежүзілік экономикалық форумның баяндамасына және осы есептегі елдердің рейтингіне түсініктеме бере отырып, Дүниежүзілік экономикалық форумы туралы баяндамасынан кейін доктор Сәбит Бағыров энергияның ауысуына қолайлы жағдай факторларына тоқталып, осы факторларды тармақтар бойынша тізіп берді.
Доктор Сәбит БагировӘзірбайжандағы жаңартылатын энергия көздерін түсіндіре отырып, 2018 жылы Әзірбайжанның энергетикалық картасын ұсынатын Әзірбайжанның 2010-2020 жылдар аралығындағы электр энергиясы өндірісі және Әзірбайжандағы электр станциялары туралы да ақпарат берді. Доктор баяндамасының тағы бір негізгі тақырыбы болған үкіметтің жаңартылатын энергия саясаттарын сипаттағаннан кейін Сәбит Багиров Әзірбайжан үкіметінің жыл сайын қабылдаған негізгі шешімдері мен құқықтық ережелерге тоқталып, Әзірбайжан үкіметінің 2030 жылға дейін жаңартылатын энергия көздері жөнінлегі мақсаттарын атап өтті. Атап айтқанда, 2030 жылға дейінгі әлеуметтік-экономикалық дамудың ұлттық басымдықтарын тілге тиек еткен доктор Сәбит Бағыров электр энергиясын өндіруде жаңартылатын энергия көздерін пайдалануға қатысты жаңа заңдарға тоқталды.
Семинардың жалғасында доктор Сәбит Багиров жаңартылатын энергия көздері мемлекеттік агенттігі, энергетика саласындағы саясатты жүзеге асыратын мемлекеттік мекемелер және энергетикалық сектор компаниялары, сонымен қатар, Әзірбайжандағы электр энергиясының тарифтері, инвестициялық жобалар мен сутегі энергиясына қатысты әзірлемелер туралы маңызды ақпарат берді. Доктор Сәбит Багиров өз сөзін Әзірбайжандағы донорлық ұйымдар мен Әзірбайжанның жақын болашақтағы жоба мақсаттарын түсіндірумен аяқтады.
Қатысушылар баяндама тақырыбы бойынша пікір алмасты. Еуразия ғылыми-зерттеу институтының директоры, доцент, доктор Вакур Сүмер семинарда құнды ақпараттармен бөліскенін айтып, доктор Сәбит Бағыровқа алғысын білдірді.