Қожа Ахмет Ясауи атындағы Халықаралық қазақ-түрік университетінің ректоры, профессор, доктор Жанар Темірбекова Алматыға сапары аясында Еуразия ғылыми-зерттеу институтында болды. Сапар барысында Еуразия ғылыми-зерттеу институтының директоры, доцент, доктор Вакур Сүмер институт зерттеулері мен жобалары туралы ақпарат берді. Еуразия ғылыми-зерттеу институты мен Қожа Ахмет Ясауи атындағы Халықаралық қазақ-түрік университетінің миссиясы мен мақсатына сәйкес академиялық зерттеулер жүргізетіндігін мәлімдеген доцент, доктор Вакур Сүмер, осы бағытта Түркия-Қазақстан қатынастарының дамуына үлес қосу үшін түркі тілінде сөйлейтін мемлекеттер және қоғамдастықтарға байланысты ғылыми зерттеулер жүргізіп, осы саладағы жобаларды қолдаудың негізгі міндет екенін атап өтті. Осы мақсатпен институттың төрт тілде шығатын екі журнал, апта сайын шығатын бюллетень мен анализдер және түрлі кітаптар мен талдаулар арқылы экономика, халықаралық қатынастар, энергетика, қоршаған орта және мәдениет салалары бойынша Еуразия аймағына қатысты жүргізілген ғылыми зерттеулер мен баяндамалардың ғылымиәдебиетке үлес қосқанын баса айтты. Доцент, доктор Вакур Сүмер институттың Түркия мен Қазақстаннан тыс жерлерде де әлемдік деңгейдегі сараптама орталықтарымен тығыз ынтымақтастықта болғанын мәлімдей отырып, профессор, доктор Жанар Темірбекованы жаңа қызметімен құттықтап, осы жұмыстардың барлығына қолдау көрсеткені үшін Өкілетті кеңес пен ректоратқа алғыс айтты.
Профессор, доктор Жанар Темірбекова түркі әлемінің ұлы тұлғасы Қожа Ахмет Ясауи атындағы университеттің ректоры болу үлкен мәртебе екенін айта келе, халықаралық мәртебеге ие болған университеттің негізгі қызметі Қазақстан мен Түркия, сондай-ақ, бүкіл түркі әлеміне қызмет ететін жоғары біліктілікке сай, отансүйгіш және заманауи мамандарды тәрбиелеу керек екенін жеткізді. Осы бағытта университеттің тәуелсіз Қазақстанның болашағын қалыптастыратын және оның мәңгілік құндылықтарын дәріптейтін білім ордасы екенін айта отырып, университеттің бұл ұстанымын одан әрі арттыру үшін бірлік пен ынтымақтастық арқылы жұмыс жасаудың маңыздылығын баса айтты. Еуразия ғылыми-зерттеу институтының академиялық зерттеулерінің маңыздылығына назар аударған профессор, доктор Жанар Темірбекова, осындай біліктілікке ие институттың Алматыда болуы өте маңызды екенін айта келе, табысты жұмыстарын жалғастырғаны үшін институт қызметкерлеріне алғысын білдірді.
Институттың кітапханасы және басқа да бөлімдерін аралағаннан кейін доцент, доктор Вакур Сүмер, университет ректор, профессор, доктор Жанар Темірбековаға институт басылымдарынан тұратын сыйлық табыс етті.