Қожа Ахмет Ясауи атындағы Халықаралық қазақ-түрік университетінің Өкілетті кеңес төрағасы, профессор, доктор Мұхиттин Шімшек төрағалық еткен сапар барысында Қожа Ахмет Ясауи атындағы Халықаралық қазақ-түрік университеті мен AlmaU арасындағы ықтимал ынтымақтастықтар мен бірлескен жобалар талқыланды. Өкілетті кеңес төрағасы, профессор, доктор Мұхиттин Шімшек Түркия мен Қазақстан бауырластығының нақты белгісі болған Қожа Ахмет Ясауи атындағы Халықаралық қазақ-түрік университетінің тек екі елдің ғана емес, күллі түркі әлемінің ортақ оқу орны екенін, бүкіл әлемінің түкпір-түкпірінен шәкіртақы тағайндап студенттер қабылдайтындарын, түркі әлеміндегі ынтымақтастық үдерісіне белсенді түрде үлес қосып жатқандарын жеткізді. 30 жылдық кезеңде көптеген зерттеулер жүргізілгенін атап өткен профессор, доктор Мұхиттин Шімшек университеттің құрылғанына 30 жыл толуына орай 30 жобаны жүзеге асырғандарын, оның ішінде 20 томнан тұратын «Түрік әдебиеті атаулары сөздігі» де бар екенін, сондай-ақ зерттеушілерге электронды ортада қол жетімді екенін, 10 жылға жуық күш-жігермен дайындалып жарияланғанын, сонымен қатар Түркі әлемінің интеграциялық үдерісіне үлес қосу мақсатында білімнен экономика мен көлік дәлізіне дейін кең ауқымда 10 баяндама дайындалғанын тілге тиек етті. Қожа Ахмет Ясауи атындағы Халықаралық қазақ-түрік университетінің ректоры, доктор Жанар Темірбекова мен ректор өкілі, профессор, доктор Пеями Баттал университеттің білім беру қызметінен бөлек, әлеуметтік жауапкершілік аясында жүргізіліп жатқан зерттеулерге де тоқталып, екі университеттің осы салалардағы ынтымақтастығына әрқашан дайын екендіктерін жеткізді.
АлмаЮ ректоры доктор Гүлнара Күреңкеева Қожа Ахмет Ясауи атындағы Халықаралық қазақ-түрік университетінің делегациясына алғысын білдіріп, аталған сапардың екі университет арасындағы ынтымақтастыққа құнды үлес қосатынына сенім білдірді. Түркі университеттер одағының мүшелігіне кіру барысында университеттеріне қолдау көрсеткені үшін профессор, доктор Мұхиттин Шімшек, доктор Жанар Темірбекова мен профессор, доктор Пеями Батталға алғысын білдірген AlmaU ректоры доктор Гүлнар Күреңкеева университет туралы презентация жасады.
Сапар соңында профессор, доктор Мұхиттин Шімшек 20 томдық «Түрік әдебиеті атаулары сөздігін» AlmaU университетіне сыйға тартты.