Қожа Ахмет Ясауи атындағы Халықаралық қазақ-түрік университетінің Өкілетті кеңес төрағасы, профессор, доктор Мұхиттин Шімшек төрағалық еткен сапар барысында Қожа Ахмет Ясауи атындағы Халықаралық қазақ-түрік университеті мен Қазақ ұлттық қыздар педагогикалық университеті арасындағы ықтимал ынтымақтастықтар мен бірлескен жобалар талқыланды. Өкілетті кеңес төрағасы, профессор, доктор Мұхиттин Шімшек Түркия мен Қазақстан бауырластығының нақты белгісі болған Қожа Ахмет Ясауи атындағы Халықаралық қазақ-түрік университетінің тек екі елдің ғана емес, күллі түркі әлемінің ортақ оқу орны екенін, бүкіл әлемінің түкпір-түкпірінен шәкіртақы тағайндап студенттер қабылдайтындарын, түркі әлеміндегі ынтымақтастық үдерісіне белсенді түрде үлес қосып жатқандарын жеткізді. 30 жылдық кезеңде көптеген зерттеулер жүргізілгенін атап өткен профессор, доктор Мұхиттин Шімшек университеттің құрылғанына 30 жыл толуына орай 30 жобаны жүзеге асырғандарын, оның ішінде 20 томнан тұратын «Түрік әдебиеті атаулары сөздігі» де бар екенін, сондай-ақ зерттеушілерге электронды ортада қол жетімді екенін, 10 жылға жуық күш-жігермен дайындалып жарияланғанын, сонымен қатар Түркі әлемінің интеграциялық үдерісіне үлес қосу мақсатында білімнен экономика мен көлік дәлізіне дейін кең ауқымда 10 баяндама дайындалғанын тілге тиек етті. Қожа Ахмет Ясауи атындағы Халықаралық қазақ-түрік университетінің ректоры, доктор Жанар Темірбекова мен ректор өкілі, профессор, доктор Пеями Баттал Қожа Ахмет Ясауи атындағы Халықаралық қазақ-түрік университетінің Қазақстан жоғары біліміндегі орнына да тоқталып, университеттің білім беру қызметімен қатар әлеуметтік жауапкершілік аясында түрлі жобаларды жүзеге асырып жатқанын әрі осы тұрғыда Түркиядан әрқашан шынайы қолдау алып отырғандарын жеткізді.
Қазақ ұлттық қыздар педагогикалық университетінің ректоры, доктор Гүлмира Қанай, Өкілетті кеңес төрағасы, профессор, доктор Мұхиттин Шімшек бастаған аталған сапарға өте қуанышты екендіктерін білдіріп, университеттері туралы ақпарат берді. Қазақстандық жоғары оқу орындарында тарихи және маңызды орынға ие университеттің білім беру қызметін әлеуметтік жағынан аз қамтылған топтарға ашу маңызды екенін айта келе, доктор Гүлмира Қанай осы тұрғыда Қожа Ахмет Ясауи атындағы Халықаралық қазақ-түрік университетімен және түрік институттарымен жемісті ынтымақтастық орнайды деген сенімімен бөлісті. Өз сөзінде доктор Гүлмира Қанай қазіргі жағдайда Түркиядағы және Қазақстандағы түркі текті мекемелермен тығыз ынтымақтастықта екенін айтты. Университет таныстырылымынан кейін делегациялар арасында өзара сыйлықтар табыс етілді.