Әл-Фараби атындағы Қазақ ұлттық университетінің ректоры, профессор, доктор Жансейіт Түймебаев түркология саласында жүргізіліп жатқан зерттеулерде жаңашыл көзқарастың маңызды екенін айтып, Қожа Ахмет Ясауи атындағы Халықаралық қазақ-түрік университетінің Өкілетті кеңесі дайындаған «Түрік әдебиеті атауларының сөздігінің» осы бағытта құнды әрі еңбек екенін екенін атап өтті. Әл-Фараби атындағы Қазақ ұлттық университетінің тиісті бөлімдерімен түркология зерттеулеріне елеулі үлес қосқанына назар аударған профессор, доктор Жансейіт Түймебаев Қожа Ахмет Ясауи атындағы Халықаралық қазақ-түрік университетімен ынтымақтастығы алдағы уақытта бұрыңғыдай жалғасын табатынына сенім білдірді.
Қожа Ахмет Ясауи атындағы Халықаралық қазақ-түрік университетінің Өкілетті кеңес төрағасы, профессор, доктор Мұхиттин Шімшек конференцияда таныстырылған 20 томдық түрік әдебиеті атаулары сөздігінің 1500 ғалымның еңбегінің арқасында 10 жыл ішінде дайындалғанын тілге тиек етті. Электронды ортада пайдаланушыларға ұсынылатын аталған зерттеудің түркі әлеміндегі ғылыми және мәдени ынтымақтастыққа үлес қосатынын айтқан профессор, доктор Мұхиттин Шімшек Қожа Ахмет Ясауи атындағы Халықаралық қазақ-түрік университетінің осы бағыттағы оқуларын жалғастыратынын мәлімдеді. Сонымен бірге Түркі елдері тәуелсіздігінің 30 жылдығында және Қожа Ахмет Ясауи атындағы Халықаралық қазақ-түрік университетінің миссиясына сай 30 жобаның жүзеге асырылғанына тоқталып, профессор, доктор Мұхиттин Шімшек, Өкілетті кеңесінің төрағалығымен білім, денсаулық, көлік, ақылды қалалар және т.б. Түркі елдері ұйымының 2040 көзқарасына сәйкес әртүрлі секторлар мен тақырыптар бойынша дайындалған 8 баяндаманы да қатысушылар назарына ұсынды.
Конференцияның және бір спикері Түркия Республикасының Алматы қаласындағы Бас консулы Али Риза Акынжы түркі әлемінің бірегей мұрасы бар екенін және барша түркі халықтарының ортақ құндылықтары болып табылатын бұл мұраның түгендеу өте құнды еңбек екенін атап өтті. Қожа Ахмет Ясауи атындағы Халықаралық қазақ-түрік университеті дайындаған «Түрік әдебиеті атауларының сөздігінің» осы тұрғыдан маңызды зерттеу екенін айтқан Али Риза Акынжы, профессор, доктор Мұхиттин Шімшек пен еңбекке үлес қосқан барша ғылым адамдарына алғысын білдірді.
Конференция соңында Қожа Ахмет Ясауи атындағы Халықаралық қазақ-түрік университетінің Өкілетті кеңес төрағасы, профессор, доктор Мұхиттин Шімшекке «Қазақстан жоғары біліміне қосқан үлесі үшін» Әл-Фараби атындағы Қазақ ұлттық университеті тарапынан «Құрметті профессор» атағы берілді.