2021 жылы 20 мамырда Еуразия ғылыми-зерттеу институтының аға ғылыми қызметкері, доктор Жармұхамед Зардыхан «Орталық Азия аймағындағы қару-жарақтың ғаламдық тенденциялары мен көріністері» атты онлайн семинар өткізді.

Еуразия ғылыми-зерттеу институтының директоры, доцент, доктор Вакур Сүмердің ашылу сөзінен кейін Еуразия ғылыми-зерттеу институтының аға ғылыми қызметкері, доктор Жармұхамед Зардыхан қару-жарақтың ғаламдық тенденциялары туралы егжей-тегжейлі ақпарат берген баяндамасының басында Стокгольмдегі Халықаралық бейбітшілікті зерттеу институты (SIPRI) аталмыш есепті 2021 жылдың басында жариялағанын атап өтті. Ол әртүрлі қару-жарақ өндірісі мен сатылымы, соның ішінде 2019 жылға арналған қару-жарақ индустриясының дерекқоры аясында қару-жарақты сатудың әлемдік тенденциялары туралы баяндай отырып, Орталық Азия аймағындағы қару-жарақ нарығына әсер ететін факторлар туралы маңызды ақпарат берді. Соңғы жылдары Орталық Азиядағы өзгеріп отырған саяси және экономикалық тепе-теңдікте маңызды рөл атқарған Ресей мен Қытайдың қорғаныс технологиялары мен аймақтағы қару-жарақ сатылымы үрдістерінде де ықпалды екенін айтқан доктор Жармұхамед Зардыхан, қысқаша кіріспеден кейін аймақтағы қару-жарақ пен қорғаныс технологиясының өткермеленуі және елдер негізіндегі сұраныс пен тәжірибелерді атап өтті.

Семинардың жалғасында әлемдегі ең ірі қару-жарақ экспорттаушылар туралы жан-жақты мәліметтермен бөліскен доктор Жармұхамед Зардыхан аймақтағы қару-жарақ нарығында тарихи тұрғыдан маңызды рөл атқарған Ресейдің әлемдік қару-жарақ нарығындағы қазіргі жағдайы, мәселелері мен болашағы туралы әңгімеледі. Доктор Жармұхамед Зардыхан, әсіресе, соңғы жылдары әлемдік қару-жарақ нарығында белсенді рөл атқара бастаған Қытайдың қорғаныс өнеркәсібі, технологиялық зерттеулері мен дамыту саясатын Ресеймен салыстыра отырып баяндады. Сонымен қатар, түрік қорғаныс өнеркәсібінің соңғы жылдардағы жетістігін тілге тиек еткен доктор Жармұхамед Зардыхан Түркия жасаған жаңа қару-жарақ жүйелерінің ағымдағы қақтығыс аймақтарында қолданылу жағдайына толықтала отырып семинарын аяқтады.

Семинар соңында қатысушылар тақырып бойынша өзара пікір алмасты. Еуразия ғылыми-зерттеу институтының директоры, доцент, доктор Вакур Сүмер семинары үшін доктор Жармұхамед Зардыханға алғысын білдіріп, болашақта осы тақырыпта маңызды жарияланымдар мен зерттеулер жасалуы керектігін атап өтті.