2020 жылы 23 қаңтарда Еуразия ғылыми-зерттеу институтының ғылыми қызметкері PhD докторы Альбина Мұратбекова «Үндістан мен Қытай арасындағы маңызды мәселелер және «Чиндия» неліктен мүмкін емес?» атты семинар өткізді.

PhD докторы Альбина Мұратбекова семинарында Үндістан мен Қытай арасындағы қатынастардың тарихы мен екі ел арасындағы маңызды мәселелерге, әсіресе шекара даулары мен Тибет мәселесіне тоқталды. Сондай-ақ, PhD докторы Альбина Мұратбекова Үндістан-Қытай қатынастарының дамуында Пәкістанның рөлін түсіндірді.

Семинар жалғасында PhD докторы Альбина Мұратбекова Қытай мен Үндістан арасындағы қатынастардың экономикалық, мәдени, саяси және стратегиялық сынды түрлі салаларда дамуына қарамастан, даулы мәселелер екіжақты ынтымақтастықтың дамуын тежейтін факторлардың бірі болып қала беретінін атап өтті. Қытай мен Үндістан арасындағы бәсекелестік қатынастарда қай елдің үстемдік ете алатындығын болжау қиын екенін айта келе, PhD докторы Альбина Мұратбекова бүгінгі таңда Үндістан мен Қытай арасындағы қатынастар негізінен бейбіт қатар өмір сүруге және өзара тиімділікке қызмет ететін ынтымақтастыққа айналғанын тілге тиек етті.

Қытай Орталық және Оңтүстік-шығыс Азиядағы геосаяси жағдайдың қалыптасуына әсер ете алатын негізгі акторлардың бірі саналады. Қытай бұл мәселеге қатысты «араласпау» ұстанымын басшылыққа алғанымен, Үндістан мен Пәкістан арасындағы Кашмир дауында қажет болған жағдайда Пәкістанға жақтасуы мүмкін.

Қытай Пәкістан арқылы өтетін автомобиль және теміржол дәлізі жобаларының қауіпсіздігіне кепілдік беруі қажет екенін атап өткен PhD докторы Альбина Мұратбекова, сөз соңында Шанхай ынтымақтастық ұйымы аясында Қытай мен Ресейдің делдалдығы арқылы Үндістан мен Пәкістан арасындағы екіжақты мәселелерді шешуге болатындығын тілге тиек етті.

Семинар соңында қатысушылар тақырып бойынша сұрақтар қойып, өзара пікір алмасты.