Қожа Ахмет Ясауи Халықаралық Түрік-Қазақ Университеті Еуразия ғылыми-зерттеу институты және Селчук университетінің ынтымақтастығымен ұйымдастырылған «Абай және түрік әлемі» атты халықаралық онлайн панель заманауи қазақ жазба әдебиетінің негізін қалаушы ұлы ақын Абай Құнанбайдың туғанына 175 жыл толуына орай өткізілді.
«Абай және түркі әлемі» халықаралық панелінің ашылуына Қазақстан Республикасының Анкарадағы Елшісі Абзал Сапарбекұлы, Қожа Ахмет Ясауи атындағы Халықаралық қазақ-түрік университеті Өкілетті кеңес төрағасы профессор, доктор Мухиттин Шимшек, Селчук университетінің ректоры, профессор, доктор Метин Аксой, Қожа Ахмет Ясауи атындағы Халықаралық қазақ-түрік университетінің ректоры профессор, доктор Болатбек Абдрасилов, Қожа Ахмет Ясауи атындағы Халықаралық қазақ-түрік университеті Ректор өкілі атқарушы профессор, доктор Женгиз Томар қатысты.
Профессор Женгиз Томар іс-шараның ашылу салтанатының модераторы болды. Қазақстан Республикасының Анкарадағы Төтенше және өкілетті елшісі Абзал Сапарбекұлы өзінің кіріспе сөзінде, Абайдың тек қазақ халқы үшін ғана емес, бүкіл түркі әлемі үшін рухани және ойшыл тұлға екенін айта отырып Абайдың туғанына 175 жыл толуына орай түркі әлемінде ұйымдастырылған осындай іс-шаралардың маңыздылығын атап өтті. Сонымен қатар, панельді ұйымдастырған Қожа Ахмет Ясауи атындағы Халықаралық қазақ-түрік университеті Өкілетті кеңес төрағасы, профессор, доктор Мухиттин Шимшекке, Селчук университетінің ректоры, профессор, доктор Метин Аксойға және Еуразия ғылыми-зерттеу институтына алғысын білдірді.
Селчук университетінің ректоры, профессор Метин Аксой, Селчук Университеті Абай Құнанбай сияқты түрік әлемінің алдыңғы қатарлы зиялыларын таныстыруға бағытталған осындай іс-шараларды өткізуге қуанышты екенін білдіре отырып, Түркі әлеміндегі руханиятты қалалары ретінде танымал Кония мен Түркістандағы екі университет тереңірек ынтымақтастықта болуы керек екенін баса айтты.
Қожа Ахмет Ясауи атындағы Халықаралық қазақ-түрік университетінің ректоры, профессор, доктор Болатбек Абдрасилов өзінің кіріспе сөзінде Қазақстан Президенті Касым-Жомарт Тоқаев мырзаның шешімімен басталған Абай Құнанбайдың туғанына 175 жыл толуы аясында университет ұйымдастырған іс-шаралар мен кітап басылымдары туралы әңгімелеп, панельдің сәтті өтуіне тілектестік білдірді.
Халықаралық панельдің ашылу салтанатынан кейін ғылыми баяндамалар жалғасты. Сессияны Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институты директорының орынбасары доктор Суат Бейлур жүргізді. Абай Құнанбайдың әдеби мұрасын зерттейтін көрнекті ғалымдардың өз тәжірибелерімен және білімдерімен бөлісуге бағытталған панельде Түркия, Әзірбайжан, Якутия және Қазақстан сияқты әр түрлі елдер мен аймақтардың мамандары қатысып өз пікірлерімен бөлісті.
Л.Н. Гумилев атындағы Еуразия ұлттық университетінің профессоры, т.ғ.д, Тұрсын Жұртбай «Абайдың діни тұлғасы», Анкара Хажы Байрам Вели университетінің оқытушы- профессоры және Ахмет Ясауи университеті Өкілетті кеңес төрағасының кеңесшісі, «Bilig» журналының редакторы профессор Фырат Пурташ «Абай философиясының Қазақстанның сыртқы саясатына әсерлері», Баку мемлекеттік университетінің оқытушы-профессоры профессор Фируза Агаева «Абай Құнанбай және түрік әлемі», Муғла Сыткы Кочман Университетінің оқытушысы доцент Экрем Аян «Абай Құнанбайдың өмірі мен отбасы», Л.Н. Гумилев атындағы Еуразия ұлттық университетінің оқытушы-профессоры Данагүл Махат «Абай шығармашылығындағы Түрік халықтары», Анкара Хажы Байрам Вели университетінің оқытушы-профессоры Жемиле Кынажы «Абай жолы романындағы кеңестік идеологияның іздері», әл-Фараби атындағы ҚазҰУ оқытушы-профессоры Светлана Смағұлова «Абай Құнанбайдың мемлекеттік тұлғасы», Абант Иззет Байсал университетінің оқытушысы Йылмаз Бажаклы «Абай Құнанбай шығармашылығындағы ирония», Якутск мемлекеттік университетінің оқытушы-профессоры доцент Саргилана Егорова «Абай және якут әдебиеті», Кастамону Университетінің оқытушы-профессоры Хажы Ахмет Шимшек, «Абай шығармаларының Түркияда зерттелуі» және М. Әуезов атындағы Әдебиет және өнер институтының доценті Қыдыр Төреәлі «Абай және түрік әдеби тілі» атты мақалаларын ұсынды.
Панель соңында Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институты директоры доцент Вакур Сүмер панельде маңызды пікірлер ұсынған барлық қатысушыларға және панельді ұйымдастыруға үлес қосқандарға алғысын білдіріп, Абайды қаншалықты зерттесек де, күн сайын бізге берері мол дәрия екендігін айтып өтті.