2022 жылы 25 қарашада Анкара университетінің ректоры, профессор, доктор Неждет Үнүвар мен Гази университетінің ректоры, профессор, доктор Мұса Йылдыз Қазақстанға сапары аясында Қожа Ахмет Ясауи атындағы Халықаралық қазақ-түрік университетінің Еуразия ғылыми-зерттеу институтында болды.

Институт директоры, доктор Суат Бейлур, Анкара университетінің ректоры, профессор, доктор Неждет Үнүвар мен Гази университетінің ректоры, профессор, доктор Мұса Йылдызға Еуразия ғылыми-зерттеу институтына келгені үшін алғысын білдіріп, институт және институт жұмыстары туралы ақпарат берді. Гази университетінің ректоры, профессор, доктор Мұса Йылдыз университеттің бұрынғы Өкілетті кеңесінің төрағасы ретінде институттың атқарған жұмыстарынан хабардар екенін және оларды үнемі жігерлендіріп отырғандарын айтып, институт зерттеулерінің жыл өткен сайын жаңа табыстарға жетіп, сәтті жалғасып жатқанына риза екенін білдірді. Анкара университетінің ректоры, профессор, доктор Неждет Үнүвар өз сөзінде институттың жарияланымдары мен ғылыми жұмыстары арқылы аймақтану саласына елеулі үлес қосқанын айта келе, институттың болашақта Анкара университетінің тиісті бөлімдерімен бірлескен жобаларды жүзеге асыруы маңызды екенін атап өтті.