Еуразия ғылыми-зерттеу институтының директоры доцент, доктор Вакур Сүмердің кіріспе сөзімен басталған семинарда доцент, доктор Юсуф Сайын қазіргі жаһандану кезеңінде цифрлық дипломатияның барлық мемлекеттер үшін маңызы зор екенін мәлімдеді. Доцент Сайын сандық технологияны қолданудың елдер арасындағы көптеген мәселелерге жағымды немесе жағымсыз әсер ететінін жеткізді. Сонымен қатар, ол түркі әлемінің қазіргі және болашақ ұрпақтарының мүдделері үшін қоршаған ортаны қорғауға, нақты және жан-жақты ақпаратқа, ұлттық құндылықтарды құрметтеуге және адамзаттың дамуын арттыруға негізделген жаңа, әділ өркениет құруға бағытталған жаһанданудың жаңа баламасына назар аудару керектігін баса айтты. Басқаша айтқанда, Түркия мен Орталық Азия, жаһандану үдерісінің өркениеттік жетістіктерін – техникалық даму, ғылым, әлеуметтік және рухани құндылықтар – тауып, оны қорғай алатын ынтымақтастықтың жоғары деңгейіне ұмтылу керек деді.
Семинардың жалғасында доцент Сайын бүгінде әлемде цифрландырудың қарқынынды даму кезеңінде өмір сүріп жатқанымызды баса айтты. Ол цифрландыруға қатысты теорияларда ұлттық мемлекет тұжырымдамасының аяқталып, жаһандық цифрлық мемлекет құру идеялары жайында атап өтті. Алайда ол осы үдеріс барысында мемлекеттердің дамып келе жатқан цифрлық қондырғылармен басқару тетіктерін күшейткені байқалғанын және жоғарыда аталған теориялар жақын арада іске асырылмайтынын мәлімдеді.
Ол цифрлық дипломатия ақпараттық коммуникациялық технологиялар мен әлеуметтік медиа арқылы жүзеге асырылатын қоғамдық дипломатия іс-шаралары ретінде анықталады деп тұжырымдады. Ол көптеген елдер өздерінің веб-сайттары мен әлеуметтік медиа қосымшаларын қоғамдық дипломатия мақсатында тиімді қолданатынын білдірді. Ол twitter сияқты әлеуметтік медиа құралдары саяси мәлімдемелер мен ақпараттар үшін көбірек қолданылатынын мәлімдеді. Ол сыртқы саясат стратегиясында және жұмсақ күш саясатын жүзеге асыруда цифрлық дипломатияны замануи дағдыларға ие тәжірибелі адамдар басқаруы керек екенін атап өтті. Ол осы мақсатқа жету үшін мемлекеттік мекемелердегі және, әсіресеғ сыртқы істер министрліктеріндегі қызметкерлердің білім беру үдерістерінде цифрлық дипломатия туралы ақпараттық бағдарламалар болуы керек деп өз ойымен бөлісті. Семинар қатысушылардың тақырып бойынша әр түрлі ойларымен бөлісуі және сұрақ-жауаптарымен аяқталды.