2020 жылы 18 ақпанда Қажы Байрам Вели университеті Байланыс факультетінің деканы, профессор, доктор Закир Авшар «Тиімді байланыс» тақырыбында семинар өткізді.

Семинар Еуразия ғылыми-зерттеу институтының директоры доцент, доктор Вакур Сүмердің кіріспе сөзінен басталды. Доцент, доктор Вакур Сүмер өз сөзінде профессор, доктор Закир Авшарға семинар жасауға келгені үшін алғысын білдіріп, оның атқаратын қызметі туралы қысқаша мәлімет берді.

Профессор, доктор Закир Авшар семинарды өзін таныстырудан бастап, Еуразия ғылыми-зерттеу институтының ұжымымен танысып, Қазақстанға келгендегі қуанышын білдірді. Профессор, доктор Закир Авшар баяндама тақырыбы «Тиімді байланыс» екенін атап өтіп, бұл мәселенің адамдар арасындағы қарым-қатынаста аса маңызды рөл атқаратынын айтты. Тиімді қарым-қатынаста дауысымызды анық естірте алатындай етіп сөйлеу өте маңызды екенін атап өткен профессор, доктор Закир Авшар адамдар арасында жақсы байланыс орнату үшін бірінші сәлемнен бастау керектігін тілге тиек етті. Ол сонымен қатар, адамдардың жағымды және жағымсыз мінез-құлықтарының себептерін түсіндіріп, қарым-қатынаста естудің және шыдамдылықпен тыңдай білудің мағынасын атап өтті.

Семинар жалғасында профессор, доктор Закир Авшар адамдардың жақсы сөздер сөйлеуі айналасын бақытты ететінін айтты. Профессор, доктор Закир Авшар өз өмірінен мысалдармен бөлісе отырып, Мәулананың сөздерін де келтірді. Профессор, доктор Закир Авшар анайы сөздерді қосып сөйлеуден аулақ болуға кеңес беріп, өз сөзін аяқтады.

Семинар соңында сұрақ-жауап бөлімі болып, Еуразия ғылыми-зерттеу институтының директоры доцент, доктор Вакур Сүмер шақырылған баяндамашы профессор, доктор Закир Авшарға сертификат табыс етті.