Жоба жетекшісі: Гүлбану Жүгенбаева
Жұмыс орны: Ш.Ш. Уәлиханов атындағы Тарих және этнология институты
Бұл жобада Қазақ халқының тарихи зердесінде сақталып қалған «Қырым» факторы жан-жақты қарастырылады. Жобада өткеннен бүгінгі заманға жеткен қазақ халқының ауызша және жазбаша тарихындағы «Ноғайлы» және «Қырым» кезеңдерін терең, жан-жақты саралап, зерттеу жүргізеді. Жоба авторы Қазақ халқының орта ғасырлардағы этникалық және саяси тарихын Алтын Орда және оның ыдырауымен пайда болған Ноғай Ордасы, Қырым хандығы, Қазақ хандығы, Астрахань хандықтарымен етене жақын екенін саралай келе, оған бұлтартпас айғақ, дәлелді халықтың төлтума рухани мұраларынан – аңыздары, батырлық жырлары, шежірелік туындылары, жыраулар толғауларынан нақты мысалдармен түсіндіреді. Тарихнамада осынау күрделі өзекті мәселені арнайы жеке дара тақырыпқа айналдыру, тиісті ғылыми нәтижелерін шығарып, маңызды ғылыми тұжырымдар жасау әрекеті осы зерттеу жұмысының басты мақсаты болып табылады.