2022 жылдың 15-16 қыркүйегінде саясаткерлер мен бұқаралық ақпарат құралдарының назары Самарқандта өткен Шанхай ынтымақтастық ұйымының (ШЫҰ) жыл сайынғы саммитіне ауды. Еуразия құрлығында күрделі саяси және экономикалық өзгерістер орын алып жатқан осы кезеңде пандемиядан кейін алғаш рет мемлекет басшыларының кездесуі аймақтағы маңызды оқиға ретінде бағаланатыны сөзсіз. Жоғары деңгейдегі қонақтардың саны, қол қойылған құжаттар мен іс-шарадан тыс өткізілген кездесулер саммиттің маңыздылығын аңғартады.