Түрік тілі қоғамының төрағасы профессор, доктор Гюрер Гүлсевин Ахмет Ясауи университеті Еуразия ғылыми-зерттеу институтында болды

Түрік тілі қоғамының төрағасы профессор, доктор Гюрер Гүлсевин Алматыға сапары аясында Кыршехир Ахи Евран университеті Жаратылыстану ғылымдары және әдебиет факультетінің деканы профессор, доктор Надир Ильханмен бірге Еуразия ғылыми-зерттеу институтында болды. Кездесу барысында институт директоры доцент, доктор Вакур Сүмер институтымыздың мақсаты мен міндетіне сәйкес ғылыми зерттеулер жүргізетінін тілге тиек етті. Ол институттың Еуразия аймағында, әсіресе түркі әлемінде болып жатқан өзекті оқиғалар туралы ағылшын, түрік, қазақ және орыс тілдерінде еңбектер жазу арқылы ғылымға өз үлесін қосып жатқандарын айтты.

Профессор, доктор Гюрер Гүлсевин аймақта орын алып жатқан өзгерістерді, әсіресе Түркия мен Қазақстан қарым-қатынастарын зерттейтін осындай институттың атажұртта құрылып, ғылыми зерттеулермен айналысуы үлкен маңызға ие екенін атап өтті және үлес қосқан барша қызметкерлерге алғыс айтты. Қазақстан мен Түркия арасындағы қарым-қатынастар көпжақты форматта және стратегиялық деңгейде екенін атап өткен профессор, доктор Гюрер Гүлсевин екі ел арасындағы аймақтық және халықаралық ынтымақтастық алдағы жылдары да дами беретініне сенім білдірді. Түрік тілі қоғамының төрағасы институт кітапханасын да аралап шығып, онда сақтаулы тұрған кітаптар туралы ақпарат алды. Сапардан кейін доцент, доктор Вакур Сүмер профессор, доктор Гюрер Гүлсевинге Еуразия ғылыми-зерттеу институтының басылымдарын сыйға тартты.