2020 жылы 18 маусымда Анкара Хажы Байрам Вели университетінің профессоры, доктор Гүлжанат Құрманғалиева Эржиласун «Ауызша тарих деректері бойынша Қырғызстан тарихындағы XX ғасыр: маңызды өтпелі кезеңдер» атты семинар өткізді.

Еуразия ғылыми-зерттеу институтының директоры доцент, доктор Вакур Сүмердің алғысөзімен басталған семинарда профессор, доктор Гүлжанат Құрманғалиева Эржиласун Қырғызстанда ХХ ғасырда қандай маңызды өзгерістер болғанын ауызша тарих деректері мен мысалдар келтіре отырып түсіндірді. Құрманғалиева Эржиласун Қырғызстанның бүгінгі жағдайын түсіну үшін ХХ ғасырды түсіну өте маңызды екенін айтты. Профессор, доктор Гүлжанат Құрманғалиева Эржиласун ауызша тарих деректері нені білдіретінін түсіндіргісі келетінін айтып, 2007 жылдан бері Қырғызстанда екі ауызша деректер жобасы жүзеге асырылғанын мәлімдеді. Олардың бірі Манас университеті, Малтепе университеті, ТИКА, ТРТ сияқты мекемелермен бірігіп ұйымдастырылған пәнаралық жоба екенін, ал екіншісі Жапонияның университеттерімен жүзеге асырылған жоба екенін айтты. Ауызша тарихты зерттеу жобаларының екеуінде де 70 жастан асқан адамдармен кездескенін және олардың XX ғасырдың алғашқы жылдарынан бастап өмір сүргендерін айтты.

Семинар жалғасында профессор, доктор Гүлжанат Құрманғалиева Эржиласун сұхбаттасқан 70 жастан асқан адамдардың барлығы Сталин кезеңін ұмытпағандарын тілге тиек етті. Баяндамашы 1916 жылы Қырғызстан тарихында болған «Үркүн» оқиғалары өте маңызды екенін түсіндіріп, жалпы Қырғызстанда орын алған жағымсыз оқиғаларға тоқталып өтті. Құрманғалиева Эржиласун Қырғызстанның жазбаша тарихында көп кездесе бермейтін тақырыптардың бірі – аштық тақырыбы екенін және бұл мәселені қарастыру барысында Қырғызстанның жеті провинциясында сұхбат жүргізгендерін айтты.

Семинар соңына қарай профессор, доктор Гүлжанат Құрманғалиева Эржиласун 1941-1945 жылдар аралығында бүкіл әлемге әсер еткен Екінші дүниежүзілік соғыс Қырғызстан үшін де аса маңызды тарихи оқиға екенін еске салып, сұхбат кезінде айтылған қызықты оқиғалармен бөлісті.

Семинар соңында Еуразия ғылыми-зерттеу институтының директоры доцент, доктор Вакур Сүмер профессор, доктор Гүлжанат Құрманғалиева Эржиласунға баяндама жасағаны үшін алғыс білдіріп, ХХ ғасырда Қырғызстанның да Орталық Азияның басқа бөлігіндегі сияқты үлкен мәселелерге душар болғанын түсінгенін жеткізді. Семинар сұрақ-жауап пен пікір алмасумен қорытындыланды.