2021 жылы Еуразия аймағындағы оқиғаларға қарасақ, COVID-19 індетінің жалғасуы экономикадан денсаулыққа, өндірістен психологияға дейін көптеген салаларға әсер еткені сөзсіз. Жағымды жаңалық ретінде көптеген елдерде вакцинация деңгейінің артуы және әлеуметтік иммунитетке қол жеткізу біздің өмірімізді біршама жеңілдетіп, өлімді азайтуға мүмкіндік берді. Дегенмен, жаңа нұсқалардың пайда болуы да сақтық шараларымыздан бас тартпау керектігін көрсетеді. Осы жағдайларда өмірімізде орын алып жатқан эпидемияға жатпайтын мәселелерге келсек, елдердің өндірістік секторларының эпидемиялық жағдайларға бейімді түрде дамуы әлемдік сауданың қайта жандануына серпін береді. Бұған қоса, әрине, саяси, экономикалық, қауіпсіздік, технологиялық және әлеуметтік салаларда көптеген өзгерістер бар. Олардың ішінде 2021 жылы Орталық Азия елдерінің Еуропа және Азия елдерімен ынтымақтастығын арттыру, Түркі әлеміндегі интеграциялық күш-жігер, Вакциналық дипломатия трафигі, аймақтық экономикалық келісімдер, энергетика мен білім саласындағы ағымдағы өзгерістер бар.
Жаһандық экономикалық қатынастарда COVID-19 індетінің әсерінен көптеген елдер үшін түрлі секторлардың маңыздылығы артты. Мысалы, тазалық материалдарынан бастап, негізгі қажетті азық-түлік өнімдерін өндіруге дейінгі салаларда көптеген ілгерлеушіліктер болды. Бұл мәселені Орталық Азияда арнайы қарастыратын болсақ, алдымен аграрлық сектордағы оң өзгерістер осы елдердің негізгі қажеттіліктерін қанағаттандырумен қатар, сауда желілерін кеңейтуге мүмкіндік берді. Екінші жағынан, Орталық Азия аймағының маңызды кіріс көздерінің бірі болып табылатын жер асты байлығы, әсіресе мұнай, табиғи газ және көмір экспорты энергетика нарығында жоғары сұранысқа ие. Энергия тасымалдау және атом энергетикасы салаларында қызықты оқиғалар орын алуда. Оның ішінде Қытайдағы көмір дағдарысы, түрікмен газын Еуропаға тасымалдау жобалары және атом энергетикасына қатысты түрлі көзқарастардың пайда болуы сияқты мәселелер бар. Әлеуметтік мәселелердің ішінде індеттің көрінбейтін әлеуметтік аспектілері, онлайн білім берудегі жаңа қосымшалардың білім беру саласына әсері сияқты жаңа және көбірек зерттелген мәселелер белең алып отыр.
Аймаққа қызығатын оқырмандарға, өлкетану ғылымымен айналысатын зерттеушілерге, сарапшыларға және түрлі салалардағы шешім қабылдаушыларға, аналитикалық талдау арқылы дәлелденген идеяларды ұсынуға үлкен үлес қосады. Осы орайда «Eurasia Outlook 2021: Еуразиядағы экономикалық, әлеуметтік және саяси перспективалар» атты кітаптың жетінші санын дайындауға атсалысқан редакторларға, авторларға және барлық институт қызметкерлеріне шын жүректен алғыс айтамын.
PDFСуат Бейлур Анкарадағы Йылдырым Беязыт университетінде «Әлеуметтану» мамандығы бойынша PhD докторы ғылыми дәрежесін және Хаджеттепе университетінде халықаралық қатынастар саласында магистр дәрежесін алды. Бейлур Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институтына келгенге дейін Түркия Республикасының Мәдениет және туризм министрлігінде (YTB) сарапшы, директор, бөлім басшысы және кеңесші болып жұмыс істеді. Оның негізгі ғылыми қызығушылық салалары: Орталық Азия мен Балқандағы әлеуметтік өзгерістер, дін мен мемлекеттің қарым-қатынасы, диаспора