Ресейдің Украинаға басып кіруіне қарсы Еуропаның жақында салған санкциялары мен ресейлік газдан бас тарту шешімінен кейін Мәскеу еуропалық нарықтың орнына балама нарық іздей бастады. Ресейдің Қырғи-қабақ соғыс кезінде де Еуропаға газ тасымалын тоқтатпағанын ескергенде, қазіргі Ресей мен Еуропа арасында энергетика мәселесінің қаншалықты ушыққанын болжауға болатындай. Әсілінде Ресей мен Еуропа арасында энергетика мәселесі 2014 жылы Ресей Қырымды заңсыз аннекциялағаннан кейін басталып, Ресей содан бері энергетика саласында баламалы нарықтарды іздей бастады. Бұл тұрғыда Ресейдің шығыстағы көршісі және әлемнің ең ірі экономикаларының бірі Қытай алдыңғы қатарға шығып отыр.
