Конференцияға Түркия Республикасының Алматы қаласындағы Бас консулы Али Рыза Акынжы мырза, Қырғызстан Республикасының Алматы қаласындағы Бас консулы Назаралы Аріпов мырза, Өзбекстан Республикасының Алматы қаласындағы консулы Бахтияр Камалов мырза, Қожа Ахмет Ясауи атындағы Халықаралық қазақ-түрік университетінің ректоры, доктор Жанар Темірбекова, Ахмет Ясауи университетінің ректор өкілі, профессор, доктор Женгиз Томар, Философия, саясат және дін институтының директоры, профессор, доктор Серік Сейдуманов, Алматы менеджмент университетінің ректоры доцент, доктор Гүлнар Күркенкеева, Абай атындағы Қазақ ұлттық педагогикалық университетінің проректоры профессор, доктор Ақтолқын Құлсариева, Қазақ ұлттық қыздар педагогикалық университетінің проректоры, доктор Зәкір Жұмағұлов, Нұрсұлтан Назарбаев қорының ғылыми кеңесінің мүшесі, доцент Мөлдір Әбдірайымова, ҚР Президенті Архиві директорының орынбасары, доцент, доктор Қайрат Әлімғазинов, ҚР Орталық мемлекеттік мұрағатының директоры доцент, доктор Сәбит Шілдебай, Ш.Ш.Уәлиханов атындағы Тарих және этнология институты директорының орынбасары, доктор Әуезхан Шашаев, М. Әуезов атындағы Әдебиет және өнер институтының бас ғылыми қызметкері, профессор, доктор Алімжан Хамраев, Қазақстан халқы Ассамблеясы Ахыска түріктері ұлттық-мәдени орталығы төрағасының орынбасары профессор, доктор Қазақбай Қасымов және қатысты мекеме өкілдері қатысты.
Конференцияның ашылу сөзін сөйлеген Ахмет Ясауи университетінің ректоры, доктор Жанар Темірбекова Түркі мемлекеттері тәуелсіздігінің 30 жылдығына орай өткен конференцияға қатысқан құрметті қонақтарға, ғалымдар мен баяндамашыларға алғысын білдіріп, Қазақстан мен Орталық Азиядағы түркітілдес мемлекеттерін тәуелсіздіктің 30 жылдығына шын жүректен құттықтады. Қазақстан тәуелсіздігін алғаш мойындаған ел Түркия екенін баса айтқан Жанар Темірбекова екі ел арасындағы бауырластық пен достық байланыстардың одан әрі тереңдей түскенін білдірді. Сондай-ақ, Түркияның Орталық Азиядағы басқа түркі елдеріне тәуелсіздіктің алғашқы сәттерінен бастап тұрақты қолдау көрсетіп келе жатқанын атап өтті. Түркі республикалары арасында болашақта көбірек ынтымақтастық болуы керек екенін тілгн тиек еткен доктор Жанар Темірбекова Ахмет Ясауи университетінің осы салада жүргізіп жатқан зерттеулері мен атқарып жатқан шараларын баяндап, алдағы уақытта атқарылуы тиіс жұмыстарға тоқталды.
Ахмет Ясауи университетінің ректор өкілі, профессор, доктор Женгиз Томар алдымен осы ерекше күннің маңыздылығына тоқталып, конференцияға атсалысқан барлық қатысушыларға алғысын білдірді. Түркі республикалары арасындағы қарым-қатынастарға тоқталып, Түркия мен Қазақстанның бауырластық пен тарихи тамырдың көрінісі болып табылатын ортақ тіл, ортақ тарих және ортақ мәдениет саласында өзара қолдау көрсету арқылы екіжақты және көпжақты қарым-қатынастарды дамытым келе жатқанын тілге тиек етті. Мыңдаған қазақстандық және түрікиялық азаматтардың екі елде білім алуы, әсіресе, тәуелсіздік алғаннан кейін мәдениет саласындағы ынтымақтастықта маңызды рөл атқарғанын атап өтті. Профессор, доктор Женгиз Томар Қазақстан халқын және қазақ бауырларын, ел тәуелсіздігінің 30 жылдығымен құттықтап, олардың шаттығы мен қуанышын әрқашан бөлісетінін жеткізді. Түркияның Қазақстан тәуелсіздігін бірінші болып мойындағанын әрқашан мақтан ететінін, Қазақстанның қуанышын Түркияның қуанышындай қабылдайтынын айтты. Түркия-Қазақстан байланысы екі елдің қарым-қатынасынан тыс, бір атадан тараған халықтар және ұлттар достығымен ерекшеленген қарым-қатынас екеніне тоқталды.
Конференцияның ашылуында сөз сөйлеген Еуразия ғылыми-зерттеу институтының директоры доцент, доктор Вакур Сүмер Түркітілдес елдердің тәуелсіздігіне 30 жыл толуына орай ұйымдастырылған конференцияға қатысқан құрметті ғалымдарға алғысын жеткізіп, барша Түркітілдес елдерді тәуелсіздіктерінің 30 жылдығымен шын жүректен құттықтап, ізгі тілектерін жеткізді. Өткізіліп жатқан конференция тақырыбының «Тәуелсіздіктің 30 жылдығында Түркітілдес елдердің ынтымақтастығы мен ықпалдастық үдерісі» екенін еске салған доцент, доктор Вакур Сүмер Түркітілдес елдердің 1991 жылдан бері тұрақты дамып келе жатқанын атап көрсетті. Сөзінің жалғасында доцент, доктор Вакур Сүмер Түркітілдес елдердің тәуелсіздік алғаннан бері қол жеткізген жетістіктеріне тоқталды.
Конференцияның ашылу сөзінен кейін, «Түркітілдес елдер тәуелсіздіктің 30 жылдығында» атты алқалы жиналыста модератор Ахмет Ясауи университетінің ректор өкілі, профессор, доктор Женгиз Томар Алматыдағы шетелдік өкілдік өкілдеріне сөз берді.
Жиналыста Түркия Республикасының Алматы қаласындағы Бас консулы Али Рыза Акынжы мырза баяндама жасап, сөзін 1991 жылдан бері Біріккен ұлттар ұйымының, Еуропадағы қауіпсіздік және ынтымақтастық ұйымының, сондай-ақ, басқа да халықаралық ұйымдардың жетекші мүшесі ретінде Тәуелсіз Қазақстан Нұрсұлтан Әбішұлы Назарбаевтың кемеңгер де көреген басшылығымен аймақтық көшбасшы болып, халықаралық аренада бейбітшілік пен тұрақтылықты орнатуға маңызды үлес қосқанын айтудан бастады. Атаулы ерекше күннің маңыздылығына тоқталып, ашылу сөзінде сөз сөйлегені өзі үшін үлкен мәртебе екенін білдірген Акынжы, мемлекеттердің негізін қалаушы билеушілермен теңдесетінін, әсіресе: «Түркия Республикасының негізін қалаушы дегенде Мұстафа Кемал Ататүрік еске түссе, Тәуелсіз Қазақстан дегенде Елбасы Нұрсұлтан Назарбаев еске түседі» деп атап көрсетті. Бас консул Али Риза Акынжы Қазақстанның модернизациясын 1990 жылдардағы көптеген мемлекеттердің модернизация үрдісімен салыстырды. Ол Нұрсұлтан Назарбаев алға қойған Қазақстанды үш экономикалық, әлеуметтік және саяси кезеңде өзгерту идеясы бүгінде сәтті жүзеге асырылғанын айтты. Бұдан бөлек, Қазақстан мен Түркия арасындағы экономикалық инвестиция. Сыртқы саясат тұрғысында Астана үдерісін өңірлік және халықаралық аренада бірлесіп әрекет ететін Қазақстан мен Түркияның ең жақсы үлгісі ретінде айтып, екі мемлекеттің стратегиялық серіктестігінің артықшылықтарын түсіндірді. Әли Рыза Акынжы мәдени саладағы қарым-қатынастардың өркендеуінде белес болған Ахмет Ясауи университеті мен басқа да мекемелер мен ұйымдардың Қазақстанда өкілдіктерін ашуының маңызды екеніне тоқталды. Сонымен қатар, Акынжы Нұрсұлтан Назарбаевтың «Рухани жаңғыру» жобасы мен «Ұлы даланың жеті қыры» арнайы жұмысына тоқталды.
Одан кейін Қырғызстан Республикасының Алматы қаласындағы Бас консулы Назаралы Аріпов мырза және Өзбекстан Республикасының Алматы қаласындағы консулы Бахтияр Камалов сөз алды. Дипломатия өкілдерінің сөзінен кейін Философия, саясат және дінтану институтының директоры профессор, доктор Серік Сейдуманов баяндама жасады. Профессор, доктор Серік Сейдуманов «Тәуелсіздік» терминінің мағынасын түсіндіре отырып, ел болашағы үшін Қазақстан жастарының маңыздылығына тоқталып, мыңдаған жастардың шетелдің үздік университеттерінде білім алуына мүмкіндік берген тұңғыш президент Нұрсұлтан Назарбаев мырзаның саясатының маңыздылығын тілге тиек етті. Жиналыстың басқа баяндамашылары да түркі елдері тәуелсіздігінің 30 жылдығы аясындағы оқиғалар мен Қазақстанда әр саланың өркендеуіне тоқталып, алдағы кезеңде түркіелдері арасындағы қарым-қатынасты барлық салаларда одан әрі дамытудың маңыздылығын жеткізді.
Конференция «Тәуелсіздіктің 30 жылдығында Түркітілдес елдердің ықпалдастық үдерісі» атты ғылыми жиналыспен жалғасты. Алдымен сөз алған институт директоры доцент, доктор Вакур Сүмер Қазақстан халқы ассамблеясы Ахыска түріктері ұлттық орталығы төрағасының орынбасары профессор, доктор Қазақбай Қасымовқа сөз берді. Профессор, доктор Қазақбай Қасымов өз сөзінде Қазақстанның тәуелсіздік алғаннан кейінгі миссиясы мен мақсаттарын атап өтті. Тәуелсіздік оңайлықпен келмейтінін баса айтқан профессор, доктор Қазақбай Қасымов Қазақстан тарихына қысқаша тоқталды. Баяндаманың жалғасында модератор Қазақстанның Тұңғыш Президенті Елбасы Нұрсұлтан Назарбаевтың Қазақстан халқы үшін маңыздылығына тоқталып, Қазақстанның 2050 стратегиясы туралы әңгімеледі.
Конференция жалғасында сөз сөйлеген Еуразия ғылыми-зерттеу институты директорының орынбасары доктор Суат Бейлур Қазақстанның қысқа мерзімде мемлекеттік құрылымды аяқтап, ел ішінде бейбітшілік пен тыныштық орната алғанын айта келіп, Қазақстан түрлі этностар тату-тәтті өмір сүріп жатқан бейбіт елге айналғанын айта келе, алдағы болашақта да стратегиялық және даму бағдарламаларымен әр салада дамуы мен өркендеуін жалғастыратынын жеткізді. Ұйымдастырудың біздің дәуірімізде аймақтық жаһандық саясатта табысқа жету үшін таптырмас талап екенін атап көрсеткен доктор Бейлур Түркі кеңесінің атауының Түркі мемлекеттері ұйымы болып өзгертілгенін, бұл түркі мемлекеттері арасындағы ықпалдастық үдерісін жеделдететінін айтты.
Конференция соңында Еуразия ғылыми-зерттеу институтының директоры доцент, доктор Вакур Сүмер барша қатысушыларға ризашылығын білдіріп, «Түркі елдері арасындағы ынтымақтастық пен ықпалдастық біздің жарқын болашағымыздың алғашқы қадамы» деп сөзін аяқтады.