Қожа Ахмет Ясауи атындағы Халықаралық қазақ-түрік университеті Еуразия ғылыми-зерттеу институтының аға ғылыми қызметкері, профессор, доктор Гүлнәр Надирова өз семинарында Еуразия ғылыми-зерттеу институтының ғылыми қызметкерлері Дәулет Жайлыбаев, Динара Талдыбаева және Ажар Серікқалиеваның ҚР Білім және ғылым министрлігінің 2020 жылы 12 айлық жобасын топ болып ұтып алғанын түсіндіре келе, «Этникалық қазақ студенттердің (қандастар) Қазақстанның білім беру саласына әсері: академиялық, әлеуметтік және мәдени аспектілері» атты жоба туралы маңызды ақпарат берді.
Профессор, доктор Гүлнар Надирова аталған жоба аясында Тәуелсіз мемлекеттер достастығы (ТМД) елдері, Моңғолия, Қытай, Түркия және басқа да елдерден келген этникалық қазақ студенттерінің әлеуметтену үдерісінің Қазақстандағы академиялық қоғамдастық пен оқу орындарына әсері қарастырылғанын айтты. Профессор, доктор Гүлнар Нәдірова бұл тұрғыда тиісті зерттеу материалдарын жинақтаумен қатар, сандық және сапалық әдістерді қолдану арқылы студенттермен сауалнамалар мен сұхбаттар жүргізілгенін атап өтті. Профессор, доктор Гүлнәр Надирова сауалнамалар мен сұхбаттарға шетелден, әсіресе, Алматыдағы Әл-Фараби атындағы Қазақ ұлттық университеті, Түркістандағы Қожа Ахмет Ясауи атындағы Халықаралық қазақ-түрік университеті, Қарағандыдағы Қарағанды медицина университеті және Семейдегі Шәкәрім атындағы Семей мемлекеттік университетінен этникалық қазақ студенттер қатысқанын жеткізді.
Семинардың жалғасында профессор, доктор Гүлнәр Надирова зерттеу нәтижесінде Қандастарға арналған «Білім беру көші-қоны» бағдарламасын тілге тиек етті және соңғы бірнеше жылда Қазақстан университеттерінде білім алып жатқан шетелден келген қазақ студенттерінің әлеуметтенуі туралы эмпирикалық деректерді мысалға келтірді, сондай-ақ әлеуметтік топтың ықпалы, жергілікті студенттер қауымдастығы мен академиялық ортаға деген құндылық көзқарастары мен күтулері туралы зерттелгенін атап өтті.
Профессор, доктор Гүлнәр Надирова тақырыптың бұрын-соңды теориялық немесе практикалық тұрғыдан зерттелмегенін атап өтті, сол себепті жобаның Қазақстанның мәдени-ағарту саласын зерттеудегі жаңа көзқарас ретінде қарастырылып отырғанын баса айтты. Түлектермен және сарапшылармен жүргізілген сұхбаттардың нәтижелері әлеуметтік және әдістемелік тұрғыдан қолданыстағы білім беру стратегияларын сыни тұрғыдан қайта қарау және оларды кеңейту, сондай-ақ тереңдету туралы ұсыныстар береді. Профессор, доктор Гүлнәр Надирова жобаның қорытындылай келе, Қандастарға білім беруде тереңірек ғылыми, әлеуметтік және саяси талдау, білім беруді әртараптандыру және цифрландыру, студенттердің бәсекеге қабілеттілігін арттыратын тиісті дағдылар мен құзыреттермен қамтамасыз етудің нысаны болуын, онлайн немесе гибридті бағдарламаларды немесе дәстүрлі білім беру тәсілдерін әзірлеу, қандастар топ пен қоғам арасында әлеуметтік өзара әрекеттестік пен әлеуметтік капиталды орната білу керектігін айтты.
Семинар қатысушылардың тақырып бойынша пікір алмасуымен және сауалдарға жауап берумен аяқталды.