mcmxtr

Ғылыми әдебиет беттерінде Жошының ұлысын «Алтын Орда» деп атау қалыптасқан. Алтын Орда уақытында қала құрылыс және архитектура, сауда-экономикалық қатынас, саяси-әлеуметтік институттар қарқынды дамыды. Бұл үдерістер Қазақстан аумағын да қамтыды. 1269 жылғы Талас құрылтайының нәтижесінде Алтын Орданың империялық орталықтан толықтай тәуелсіздігі мойындалып, ағымдағы жылы аталған орданың негізі қаланғанына 750 жыл толып отыр.

2019 жылғы 16 қазанда Еуразия ғылыми-зерттеу институтында Киевтегі Армия, конверсия және қарусыздану мәселелерін зерттеу орталығының Азия-Тынық мұхиты бөлімінің жетекшісі Юрий Пойта «Украина тұрғысынан «Бір белдеу, бір жол» бастамасын іске асырудың перспективалары мен қауіптері» атты тақырыпта семинар өткізді.

Қазақстан Республикасы Мәдениет және спорт министрлігі «Сарайшық мемлекеттік тарихи-мәдени музей-қорығы» РМҚК,  Атырау облысы әкімдігі, Атырау өңірлік «Рухани жаңғыру» жобалық кеңсесі, Қ.А. Ясауи атындағы ХҚТУ Еуразия ғылыми-зерттеу институты бірлесіп Елбасы Н.Ә.Назарбаевтың «Ұлы даланың жеті қыры»  бағдарламалық мақаласы аясында «Жошы ұлысы және Сарайшық - Қазақ мемлекеттілігінің бастауында» атты Халықаралық ғылыми-тәжірибелік конференция өткізетінін хабарлайды. Конференция 2019 жылы 9-11 қазан күндері Атырау қаласында өтеді

Әсет Ордабаев семинарында Орталық Азияны көлік және транзит торабына айналдырудың мүмкіндіктері мен кедергілері туралы ақпаратпен бөлісті. Бұл мәселені ішкі және сыртқы тұрғыдан қарастыру қажеттігін атап өткен Ордабаев екі факторға жеке-жеке тоқталды.

Әзірбайжан Республикасы Диаспора істері жөніндегі мемлекеттік комитетінің өкілдері Анар Расулов, Теймур Атаев Алматыға сапары аясында Еуразия ғылыми-зерттеу институтында болды.

Балжан Ешметова семинарында Қазақстан Республикасының Тұңғыш Президенті – Елбасы Нұрсұлтан Әбішұлы Назарбаевтың «Мәңгілік ел» идеологиясының тарихы туралы баяндады.

Профессор, доктор Ахмет Буран семинарды өзін таныстырудан бастап, 2003-2005 жылдар аралығында Қырғызстандағы Манас университетінде жұмыс істегенін айтты.

Еркінбек Тұрғынов семинарында Еуразия құрлығында орналасқан түркі елдері арасында құрылған төрт негізгі халықаралық ұйым туралы баяндады. Атап айтқанда, Түркітілдес мемлекеттердің ынтымақтастық кеңесі (Түркі кеңесі), Халықаралық түркі мәдениеті ұйымы (ТҮРКСОЙ), ТүркПА және Халықаралық Түркі академиясы (TWESCO) жайлы толық ақпарат берді.

2019 жылы 27 маусымда Еуразия ғылыми-зерттеу институтының аға ғылыми қызметкері Өмірбек Қанай Қоғам және мәдени зерттеу тобының жұмыстары шеңберінде «Қытай қазақтарының этномәдени құндылықтарды сақтауы» тақырыбында семинар өткізді.

2019 жылы 21 маусымда Еуразия ғылыми-зерттеу институтында Саясат, сыртқы саясат және қауіпсіздік ғылыми-зерттеу тобы семинарлары аясында Бонн университетінен шақырылған зерттеуші т.ғ.д., профессор Нұрлан Кенжеахмет «Каңнидо картасындағы (1402) Еуразия қалалары: Бесбалықтан Андалұсқа дейін» атты семинар өткізді.